જીત પર હસતો રહ્યો .....

નીચે લખેલી શાયરી ક્યાંક સાંભળવા મળી હતી તેમાં છેલ્લી બે લીટી
ફક્ત મારી ઉમેરેલી છે.



જીત પર હસતો રહ્યો,
ને હાર પર હસતો રહ્યો,

ફૂલ ની શૈયા ગણી,
અંગાર પર હસતો રહ્યો,

અય મુસીબત એટલી,
જીંદાદીલી ને દાદ દે,

તે ધરી તલવાર  તો,
હું ધાર પર હસતો રહ્યો,

કોઈ ના ઇનકાર કે
ઈકરાર પર હસતો રહ્યો,

જે મળ્યો આધાર
તે આધાર પર હસતો રહ્યો,

દીધા ફૂલો મળ્યા પત્થર,
તેને ય પ્રેમ થી પારસ ગણી,

હર વાર પર હસતો રહ્યો,
દાતાર પર હસતો રહ્યો,

દર્દ ટપક્યું આંખ માં થી,
વેદના ની ભરતી એ,

ચોધાર હું હસતો રહ્યો,
ચોધાર હું હસતો રહ્યો.                                                                                            
                                                     -શ્રેયસ મન